如何應付打斷對話的人？

一班人傾偈時，有時不免會出現一啲conversation killer，呢啲「殺手」一出聲，就會打斷大家嘅對話，或者令大家覺得好無癮。殺手有好多種，如果你遇上佢哋，應該點應付好呢？

盤問者──有啲人鍾意好似審犯咁盤問人，例如會問「你賺幾錢一個月？」、「你點解要咁做？」，佢哋唔會講自己嘅事，亦唔見得想加深對你嘅了解，只係想不斷問你、迫你埋牆角。

應付方法：對於佢嘅問題，只答一兩個字，例如「係」、「唔係」、「唔知」。咁樣佢就會覺得好無癮，自然會收聲。

誇大者──有啲人講嘢特別誇張，亦鍾意吹噓自己嘅事，令人覺得好討厭，佢哋成日會話：「我啱啱買咗個限量版手袋，靚唔靚？」、「我阿爸係邊個邊個」。

應付方法：如果在場有另一班人，就搵呢一班人傾偈，又或者係轉移話題，唔好俾佢有吹水嘅機會。

獨裁者──全場有佢講無人講，當其他人係佢嘅觀眾咁要聽佢「演講」，令人覺得好煩厭。

應付方法：向其他人發問問題，打斷佢嘅「演講」，總之唔好俾佢霸佔所有air time。

從今天起學懂拒絕！

Jim Carrey在《Yes Man》入面，遇到甚麼事情都只會say no，在現實生活中，大部分女生都跟Jim Carrey相反，只會say yes不懂say no。因為怕得罪人，所以無論自己有多忙，有多不願意做，都只有默默接受。要做個為自己打算的精明女生，就要學識如何拒絕別人。

拒絕人，對一向想給所有人都留下好印象的女生來說，是一件違反守則的事，但其實懂得拒絕別人的要求，無論對自己，還是對方都有好處。你不用再擔心做不好別人委託的事，對方亦會因為你的拒絕而不再依賴，靠自己的能力完成事情。

拒絕時要有技巧，例如你在聽到對方的請求後，選擇不立刻回答，已經是一種拒絕的signal，因為停頓會令對方知道你有遲疑，而且又能提供時間給你考慮。在停頓之後，禮貌地拒絕對方，不用說出一千個解釋理由，因為越多理由反而會令他認為你有可能改變主意。拒絕之後亦不用耿耿於懷，不需要說一千個sorry。當你習慣了say no，你就會明白不讓別人控制自己的快感。

被批評，除咗嬲可以點？

‧   先認真聽清楚被批評嘅內容，嘗試明白對方嘅觀點，唔好即時辯駁。
‧   唔好表現得太自我防衛，嘗試喺心入面話俾自己聽：有啲批評對自己有益，應該要歡迎批評。
‧   雖然我哋會有衝動想以批評反擊批評，但千萬唔好咁做，因為咁做係對件事無好處。
‧   深呼吸，令自己冷靜落嚟，可以避免衝動壞事。
‧   如果你真係做錯咗，就坦白承認錯失，會有效兼快速地令雙方降火。
‧   事實上，當我哋嘗試新事物或者將目標set得太高，都會較容易遇到批評，就當失誤同批評係過程中嘅小插曲，咁先會令自己不斷進步！