我上年開始睇”與神對話”, 開始有唔同睇法. 我覺得命運都有好多可能性, 好似打機咁, 之前有人已寫好program, 但你打時, 仲可以選擇好多好多方法, 揀A可以過版, 揀B就去咗另一世界見到唔同的人, 所以自主性都仲好大~
但選擇都可以是命定的,因性格決定了你的選擇喎
咁你的性格係可以轉架喎, 如你睇事情的看法唔同咗, 咁你的選擇又會唔同
就係因為會有無數轉變,我視此為巧合,無數巧合而得出的結果,我稱之為命定。這想法不知是否合理?
我覺得無數轉變又唔代表巧合,只代表代你作出了唔同選擇,係可以有意識的,唔一定好被動~
巧合比我感覺好被動…
咁蝴蝶效應是有意識的結果or巧合?
我覺得蝴蝶效應所產生的效果並不一定如那個理論所講,事情發生, 會由好多唔同人的意識影響, 那個只係一個純科學的理論, 有可能, 但唔一定會係咁發生~
即係有人話CANCER每人都有, 但你唔想佢發作, 佢就唔會發, 當然個個人都唔想, 但發作的人心底裡(靈魂)其實是希望自己發呢個病的…
人控制不到的結果不就是巧合嗎?
依我所睇的說法, 世事係冇巧合的, 你覺得你控制唔到? 其實現況係你選擇的,即係你靈魂選擇的~
買六合彩號碼係你揀的,但中或唔中你控制唔到,咁係巧合喇掛?
哈,原來唔係呀, 雖然你好想中, 但可能你內心深處都覺得自己係唔會中的,所以你冇中到! 所以有人話李澤佳中過幾次頭奬, 我開始覺得合理, 因為佢真係心底裡覺得自己應該有錢的!
邊有人買六合彩係唔想中架!?俾得$20就梗係想中架喇大佬!!
你本”與神對話”唔係講埋d咁膠o既野下話?
佢真係講D咁既嘢架! 哈哈! 我之前聽人講都覺CHI SIN, 但唔係咁簡單架, 問題係你可能根本唔知你深層想點…所以你覺得買六合彩的人一定想中,其實唔係…
無可能!我好清楚自己意識,只會做自己想做o既野。
咁你想做的事就係令你唔會變有錢佬MA,?
……………………………!!
