真相大白

自被公司解僱這幾天,我怎麼想都想不明白,為什麼我無緣無故的會收到解僱信呢?一般情況下是工作表現太差以令到同事甚至經理說你,然後不聽忠告屢屢不改才會被解僱,什麼都未發生過,日日風平浪靜,唔聲唔聲人事部給封解僱信我,講真,條氣真係唔爽.
不過本來對這份工作的興趣不大,所以也不以為然.
今日係出糧日,C同事打電話過黎,問我出糧未,然後同我講佢被公司扣糧600,另一個被扣糧1600,因為佢地無打咭,所以要扣.公司想利用咁方式黎逼走佢地.
在我岩入呢度做嘢時,公司已有成套計劃,他們只想全部用曬勞工,因為當時有幾個勞工返去續期,在唔知佢地續唔續到期的情況之下,公司唯有出請住澳藉人士先,勞工陸續回來,在人工過剩的情況下,而且佢們一向用開勞工, 所以解僱高薪點的澳藉人,而澳藉人有過試用期同未過試用期的,解僱的當然係未過試用期,這樣他們就不必作出高代價的賠償,其他的就用扣糧來變相降低薪金或逼他們自動辞職.
一直我都認為大公司係唔會計這麼點小利益,也不用去拍誰馬屁,看來我是錯的,天下鳥鴉一般黑.