在bauhaus都捱左岩岩好两個月,,原本想一直做下去,因為人工方面都幾吸引,但實在是太累太累了,在今日見工之前都是這種諗法,雖然昨天都有個同事係咁在我面前呻公司氣氛一等差,公司同事態度一等串,日日返工日日受氣,我一早麻木曬LO,當人細路仔亂講嘢未得LO,我開始反佢地識嬲佢地,佢地開始識趣,無計GE
記得去bauhaus見工時,我極度興奮,因為我一早想入呢間公司,等到佢登曬報紙請人,我就想機會來了,見工時,寫字樓話底薪4000,固定拥金2500,加獎金500,啫係有7000,都算唔錯GE,等幾日返威記.
入到去,第一個月執倉,上貨,搞衛生,聽指示做嘢,起初個個都係咁諗,要熟環境一定要做呢D,必經階段,我忍..咬緊牙關誓個做得最好.冇遲到冇病假過
到左第二個月, 開始覺得吃力,點解我日日都係呢呢GE冇改變過,我入到黎係做sales架,都冇賣過野冇開過張單,但都冇法,日日都被一大札工作壓住了.企門口住都唔得閒,但日日就眼見我們的好同事企在門口住閒聊,個個都風趣,當你唔小心行過佢地面前時,即刻變臉會問,D野曬未呀,1未呀…快撚D啦..2搞掂啦..咁去執下貨啦…
終於等到換主管,主管好好人架,都幾睇好我,仲教識我好多野, 心情即時舒暢了許多,俾條數要我跑,10萬WO..對我黎講.濕濕碎.就這樣營業報告上我開始有名了.
但事情又唔係咁完美,公司有規定就係TALK SALES行先,即係佢地選 客做,佢地唔想做ge客你先可以郁,佢地可以截糊,佢地可以賣曬d貨唔補貨,等你CHECK SHOW漏時好忙(其實CHECK SHOW漏都係第一次有公司要做d咁野,如果我地個個有手尾,個個都識將d貨掛返原位,就唔駛大費周勞去CHECK SHOW漏,隔一段時間去搵一件唔見左好耐ge貨,但搵搵下原來就在隔離喎,就唔駛寫SALE牌,撕掉一個又寫返一個,曬人力曬物料),都唔識得咁多…總之呢間公司管理出現好大漏洞,TALK SALES又好,SALES又好,每個人都係有隋性,做新人就看唔慣d老職員,老GE職員就喜歡睇住d新人好似佢地岩入黎時咁捱,真係睇到新人愈辛苦佢地就愈HI,唔知點解,我咁好性情,我都隱約的感覺到當我有時做左舊人,我都會隋性唔願做番我現時做ge野.
講返今日見工,因為冇電話起身搵呢間寫字樓都搵左好耐.問我點解對呢間公司有興趣,我話近我屋企,唔駛下下都走咁遠返工,跟住講返人工方面,6300底薪300獎金,加擁金,返工時間9粒,食飯一個鐘,哈哈..返威記拿不到,呢度300獎金實拿得到手,唔記得左問年底有冇雙糧添,如果打過黎叫我返工要問下先得,,我都希望佢請我啦.
今日心情指數4粒星.我會努力
